Tuesday, July 23, 2013

Qəribə toy adətləri - zerifler

Qəribə toy adətləri

Qəribə toy adətləri

Afrika

Afrikanın bəzi bölgələrində oğlan tərəfi qızı ailəsindən istəyəndən sonra qızın ailəsi onu verərsə, qıza pul və fıstıq verirlər. Qız fıstığı oğlanla bölüşür. Cütlüyün bir-birini tapmasında köməyi keçən şəxsə də hədiyyə verilir.

Toyda gəlinlə bəy süpürgənin üstündən tullanırlar. Bu adət kölələrin evlənməyinin qadağan olunduğu zamandan qalıb. Bu ritualın mənası ondadır ki, gəlinlə bəy keçmişlərindəki bütün pis şeyləri süpür&¨b tökürlər və yeni bir həyata başlayırlar.

Çexiya

Çex toylarında gəlinlə bəy toy zalına daxil olarkən ayaqlarının altına qoyulmuş boşqabları sındırırlar, sonra isə qırıntıları birlikdə süpürürlər. Bu adətin mənası odur ki, cütlük gələcəkdə həmişə bir yerdə olacaqlar və xoşbəxt yaşayacaqlar. Cütlüyün bir yerdə xoşbəxt olacağına işarə vuran başqa bir adətə görə onlar bir qabdan eyni qaşıqla sup içirlər.

Çexiyadan başqa bir adət; Bəyin yaxın dostları gəlini qaçırıb hardasa gizlədirlər. Bəyin gəlini tapması onun həmişə gəlini qoruyacağının simvoludur.

Toyun sonunda gəlinin fatasını və bəyin ayaqqabılarını qonaqlar arasında fırladırlar. Qonaqlar cütlüyün bal ayı xərclərinə kömək üçün üçün ayaqqabı və fatanın içinə pul qoyurlar.

Almaniya

Alman gəlinləri toyda fatanın yerinə bər-bəzək əşyalarından və güllərdən düzəldilmiş tac taxırlar.

Toyun axırında cütlük bir odun parçasını mişarla kəsirlər. Bunun mənası odur ki, onların ömürlərinin sonuna qədər bütün çətinliklərə qarşı bu cür birlikdə sinə gərəcəklər.

Qonaqlar bəylə gəlinin üstünə bərəkətin simvolu olan düyü səpirlər. Gəlinin saçında nə qədər düyü dənəsi qalsa, o qədər uşağı olacağına inanırlar.

Şotlandiya

Gəlin toydan bir gün qabaq küçəyə çıxarılaraq çirkləndirilir. Yumurta, tomat və.s bir-birinə qarışdırılır. Onu gəlinin üstünə vururlar. Sonra gəlini şəhərdə gəzdirirlər ki, hamı görsün. Gecə isə gəlin ailənin başçılarının ortasında oturub ayaqlarını onlara yuduzdurur. Bu adət cütlüyün xoşbəxt bir ömür yolu getmələri üçün yerinə yetirilir.

Şimali Koreya

Şimali Koreyada toy adətlərinə ördək və qazın xüsusi yeri var. Əvvəllər oğlan arxasında qaz ağ bir atın üstünə gəlinin evinə gedərdi. Bu gün isə simvolik olaraq taxta qazdan istifadə edirlər. Başqa bir adətə görə toydan sonra bir cüt taxta ördək yeni cütlüyün evinə qoyulur, əgər ördəklər bir-birlərinə baxırlarsa deməli ər-arvad yaxşı yola gedir, əgər hərəsi bir dərəyə baxırsa, deməli bütün günü dalaşırlar.

Türkmənistan

Türkmənistanda əsrlərdir mövcud olan ənənələr bu gün də davam etdirilir. Adət-ənənələrinə bağlı olan türkmənlərin toyu xeyli rəngarəng keçir.

Üç gün davam edən toyun ilk gününə “yalan çəplək”, ikinci gününə isə “çın çəplək” deyilir. Həmin günlərdə qadınlar toy olan evə yığışaraq bizim yuxa dediyimiz, onlarınsa “çəplək” adlandırdığı məmulatın xəmirini açır və saçda qovururlar.

Türkmən gəlinlərinin toyda geyindiyi geyim və zinət əşyalarının ağırlığı elə gəlinin öz çəkisi qədər olur. Təkcə bəzək-düzək əşyalarının ağırlığı 36 kiloqram, “kürte” adlandırılan əl işləməli gəlinlik fatası və paltarın çəkisi isə 40 kiloqramdan çox olur.

Mərakeş

Mərakeşdə toylar 7 gün çəkir. İlk gün gəlin süd vannası qəbul edir, sonra əllərinə və ayaqlarına xına yaxılır. Toy günlərində gəlin tez-tez paltarını dəyişir. Toy üçün standart paltar olmasa da, ipək kimi bahalı parçadan tikilmiş paltarlara üstünlük verilir.

Çin

Bəyin ailəsi astroloqa müraciət edərək evlənmək istəyən cütlük haqqında fikir öyrənir. Əgər astroloq cütlüyün evlənməsini uğurlu sayarsa, uşaqlarının doğum vaxtını və toyun tarixini gəlinin ailəsinə göndərir.

Çində toy tarixinin seçimi də cütlüyün gələcəyi üçün olduqca vacibdir. Toy Ay təqviminin 7-ci ayının son 15 günündən başqa, ad günləri və astroloqun cütlük üçün ən uğurlu hesab etdiyi günlərdə olur. Ay təqviminin 7-ci ayının son 15 günündə evlənməyin uğursuz olduğuna inanılır; çünki o dövrdə cəhənnəm qapısının açılıb ruhların sərbəst buraxıldığı deyilir.

Toydan əvvəl bəy evlilik yatağını hazırlayır və üstünə portağal, fısdıq və cürbəcür meyvələr qoyur. Ailənin balaca fərdlərinə yatağın üstündə oturub meyvələrlə oynamağa icazə verilir. Yatağın üstündə nə qədər çox uşaq oturarsa, o qədər də çox övlad doğulacağına inanırlar.

Gəlin toydan bir gün əvvəl şeytani ruhlardan təmizlənmək üçün sitrus meyvələri ətirli vanna qəbul edir.

Gəlin toyda qırmızı ayaqqabı və qırmızı fata taxır. Gəlinin bürcünə ən çox uyğunlaşan bürclərdən qızlar toplanır və gəlinə kömək edirlər.

Finlandiya

Finland gəlinlər toyda qızıl tac taxırlar. Toydan sonra subay qızlar gəlinin ətrafına toplanır. Gəlin gənc qızlar arasından birini seçib tacı ona verir və seçilən qızın ondan sonra evlənəcəyinə inanırlar.

Fransa

Toy günü gəlin köhnə eşqləri və fikirlərindən təmizlənmək üçün vanna qəbul edir.

Bəy gəlini evindən götürür və birlikdə kilsəyə gedirlər. Əsasən kiçik qəsəbələrdə uşaqlar əllərində ağ lentlərlə cütlüyün yolunu kəsir, gəlin də əlindəki qayçı ilə lentləri kəsir. Bu adətin mənası odur ki, onlar qarşılarına çıxan bütün əngəlləri belə asanlıqla aşacaqlar. Gələn qonaqlar əsasən gül gətirir və toy olacaq məkanı bəzəyirlər.

Maraqlı adətlərdən biri də gəlinlə bəyin toy günlərində istifadə olunan və nəsildən nəsilə gələn “evlilik kasası”ndan şərab içməsidir.

Hindistan

Hind toyları 3 hissədən ibarətdir; birinci hissədə toy hazırlıqları və toy günündən əvvəlki məclisdən ibarətdir. Məclisdə qıza xına yaxılır, mahnılar çalınır, rəqslər edilir.

İkinci hissə toy günüdür. Toyda bəy qayınanası tərəfindən qarşılanır, bəyin ayaqları yuyulur, sonra süd və bal təklif edilir. Ən maraqlısı isə budur ki, gəlin toy məkanına adi, gündəlik paltarda gəlir. Sonra bəyin onun üçün hazırlatdığı “sari” adlanan xüsusi paltarı geyinir.

Gəlinlə bəy toy yerində yanan müqəddəs odun ətrafında 4 dəfə fırlanar və stollarına doğru gedərlər. Stola kim birinci çatıb oturdusa, evdə onun sözü keçərli olar.

Vikinqlər

Vikinqlərin dövründə evlilik auksion kimi edilirmiş. Bəy gəlinin atasına qiymət təklif edir və bu qiymətə razılaşıb-razılaşmamasını gözləyərmiş. Həmin pul miqdarı cehiz üçün istifadə olunarmış. Bundan əlavə, gəlinin sağ ayağına atası gümüş, sol ayağına da anası qızıl taxar və bu adətin cütlüyün həyatları boyu qızıl və gümüşdən korluq çəkməyəcəklərini simvolizə edirmiş.


\"Yeni az.\"


http://Zerifler.com saytında oxu

//http://zerifler.com

No comments:

Post a Comment